تزوجها لعده اسابيع ثم تركها كالعاده وسافر الي البلد البعيد الذي ادخر منه اموال الزواج
عقده يجدد كل عامين لهذا لا يزورها سوي كل عامين
احبها بجنون واحبته بجنون ولم لا والشوق لا يتنهي وايام البعد اكثر بكثير من ايام القرب
تجديد وراء تجديد حتي وصل عدد الاولاد الي ثلاثه ووصل عمر اكبرهم الي العاشره
في بدايه الزواج كان التواصل اسبوعيا عبر الهاتف العادي ثم انتشر الكمبيوتر فكان اول شيء فعلته عندما ارسل لها المال ان تعلمت كيف تدخل الي الانترنت لتراه وتسمعه دون ان تستخدم حواسها الاخري معه
في تلك الليله .. كعادته عندما يكون وحده في الغرفه .. يتحدث معها ..
هو : ماهو زميلي مش راجع دلوقتي قالي هايروح لواحد صاحبه ويمكن يبات عنده كتر خيره عارف انك وحشتيني اوي
هي : وانت كمان وحشتني اوي اخرتها ايه بقي بقالنا عشر سنين متجوزين شهر واحد كل سنتين
هو : يابنتي بلاش ام النكد ده دلوقتي خلينا نعيش لحظه حلوه مع بعض بقالنا كتير ماقعدناش لوحدنا سوا
هي : مانت اللي مش راضي تنزل مش كفايه عليك كده بقي ؟ انا حاسه اني ماعشتش حياتي
هو : مصممه علي النكد ؟ وانا في ايدي ايه ؟ يعني اقطع عيشي بايدي هنا وانزل مش عارف هالاقي شغل ولا لا ؟
هي : يعني تفضل حياتنا كده علي طول ؟ امال هاتتمتع بولادك امتي ؟ هاتربيهم امتي ؟ هايحسوا بحنان الاب امتي ؟
هو : يعني هما ناقصهم ايه ؟ مانا اتربيت يتيم طول عمري وما حصلش ليا حاجه
هي : هو عشان انت اتربيت يتيم يبقي تجبرهم يتربوا يتامي ؟ دول محتاجين لك .. محدش ف يهم ليه ذكريات مشتركه معاك , ساعات مش بيرضوا يردوا عليك في الموبايل ولا في النت بيقولوا لي هانتكلم معاه في ايه ؟
هو : ماهو طول ما الشركه هنا بتجدد لي العقد مش هانزل
هي : طب وانا ؟ شبابي هاعيشه امتي ؟ هو انا اتجوزتك عشان ابص عليك في النت واتحسر علي شبابي ؟
هو : مانا باقولك قربي مني وانتي مش راضيه
هي بغضب : اقرب ايه ؟ هو انت بتصدق اني بارتاح لما بنتكلم بالطريقه دي ؟ انت بس اللي بتترتاح لكن انا باتعب .. نفسيا وجسمانيا وروحيا وكل حاجه .. انت راجل ممكن ترتاح بصوره او بمكالمه تليفون لكن انا باتعب . ساعات باحس اني رخيصه اوي زي بنات الليل بتوع التليفونات . انت مش خايف حد يشوفني وانا كده ويصورني ويبتزني بالفيديوهات دي ؟
هو بصبر بدأ ينفذ : يابنتي حد مين يشوفك بس وعلي العموم لو حد شافك انا عارف انك كنتي بتعملي كده ليا وبس
هي : بس انا باتعب نفسيا وباحس بالاهانه واني مش مستفيده حاجه من الجوازه دي كلها الفلوس اللي انت بتبعتها مش مهمه عندي زي ما وجودك مهم معايا . انا محتاجه اشوفك .. لما ازهق بالليل من حياتي نخرج سوا نتمشي ولو حتي الفجر .. محتاجه اسمع صوت مفاتيحك في الباب وانا بانتظر رجوعك كل ليله .. اقفل عليا وعليك وعلي ولادنا باب شقتنا واحمد ربنا اننا مع بعض بخير
هو : انتي بتضيعي في الوقت والواد يمكن يجيي وانا تعبان . انتي عايزه ايه دلوقتي .. علي الاقل انا لسه مخلص ليكي مارحتش اتجوزت ولا صاحبت هنا بدل الواحده اتنين وعشت حياتي زي ما معظم اصحابي عاملين ومخبيين علي زوجاتهم عندك . انا بحبك ومش عايز حد غيرك ولحد ما الشركه تستغني عني خلينا نعيش اليوم بيومه بلاش نقطع رزقنا بايدينا
هي : يعني هو ربنا قالك هايرزقك عندك بس ومش هايرزقك لو رجعت لاهلك ؟ ولا عندك فيه اله وهنا فيه اله تاني ؟ استغفر الله العظيم .. يا حبيبي .. اذا كان انت ممكن يكون لك زوجه تانيه وتالته ورابعه فانا مش ممكن يكون ليا غير زوج واحد بس . اذا كان ليك غيري فانا ماليش غيرك لو مش هاخد كل حقي في الدنيا منك انت يبقي العيشه دي لازمتها ايه ؟
هو بغضب : شوفي لو هانتخانق يبقي بلاش منها المكالمه دي احسن وانا هاريحك مني ومن تعب نفسيتك وهابطل اتصل بيكي خالص وهاروح اشوف لي واحده اتجوزها واخلص نفسي وانتي بقي خليكي لما عقدي يخلص وابقي ارجع لك
تراجعت عن موقفها الذي تحاول فيه توضيح مشاعرها .. عضت علي شفتها بقوه محاوله منع دموعها ثم ابتسمت له وقالت : لا يا حبيبي انا ماقدرش استغني عنك ابدا
بعد ان انتهي من اهانتها علي النت .. اغلقت جهاز الكمبيوتر واستلقت علي فراشها تبكي حتي الصباح
السفر لفترة طويلة (صح ) ولا ( خطا )???
الخميس أكتوبر 31, 2019 6:59 pm من طرف ashraf_mohamed
» الفرق بين شاشات البلازما وال LCD
الإثنين أكتوبر 21, 2019 5:10 pm من طرف رمضان
» اليكم دوائر بور توشيبا
الأربعاء أكتوبر 02, 2019 6:25 am من طرف afndm
» اليكم احدث ملف قنوات كيوماكس 999 فرجن 8 ابو فلاشة
الأربعاء أكتوبر 02, 2019 6:16 am من طرف afndm
» سوفت وملف قنوات هليوتك 2000 وايجل 2000 القديم
الأربعاء مارس 20, 2019 3:34 pm من طرف صابرالخضرى
» سوفت اصلى هليوتك 5000 حديث
الأربعاء مارس 20, 2019 3:30 pm من طرف صابرالخضرى
» طريقة توصيل دائرةA-V للاجهزة القديمة
الثلاثاء يوليو 31, 2018 12:28 pm من طرف tareksaied
» ملف قنوات ستار 888 الصينى
الأربعاء مايو 09, 2018 2:07 pm من طرف manartvd9
» اطلب اى استفسار عن الايسيهات
الجمعة أكتوبر 13, 2017 5:57 pm من طرف النمر2011