اعطال جولد ستار القديم

العطل الثالث

جهاز جولدستار قاطع الوان يعمل بـTDA3562A الخاصه بالالوان
المكونات التى تم تغييرها
1. كرستالة الالوان
2. TDA3562A
3. الترايمر وتم وضع بفه 18P مكانه
مـــا الحــــل
مشاركه
لقد قمت بعمل جميع الاحتمالات في هذا العطل
ولكن هناك احتمال حدث معي مرتين وهو نادر الحدوث
تم بتغير الدلى لاين الموجود في اقصي اليمين ويمكن تبديله
من لوحه تحوبل اشاره سيكام الي بال اللوحه الواقفه خارج
الشاسيه في الشمال ..
الاصلاح
تم اصلاح الجهاز والحمد لله من ناحيه الالوان والمشكله كانت من كارتة السيكام
تم الغائها واشتغلت الالوان تمام الحمد لله
ولكن ناقص اللون الاحمر وبعد الكشف توصلت الى ان
اللون مش طالع من الIC تم تركيب قاعده ووضع ICجديده للاختبار
اعطتنى الشاشه عباره عن مرايه بيضاء تم تجربه حوالى خمس ايسيهات موثوق بهم
اجد نفس المشكله وعند تركيب الايسيه اللى كانت فيه يشتغل كويس الا ان اللون الاحمر ناقص
عند قياس قوازف الالوان اجد ان الازرق والاخضر حوالى 100 v
اما قازف اللون الاحمر 180 v ممايبرهن على ان ترانزيستور القازف
فى وضع off فأول شئ تم قياسه البيس وجد انه 0 v وعند تركيب ايسيه
اخرا شغاله ومجربه بتكون القوازف تقريبا100 v ولكن الصوره عباره عن مرايه
بيضاء والصوت موجود
مشاركه
استبدل الديودات الموجودة على خروج الالوان الثلاثة بالقرب من المتكاملة وهذا لوجودة نسبة فى القياس
يوجد 3 مقاومات 680 كيلو بالسوكت استبدل الخاصة بالون الاحمر يجب استبدال 3 pf421 ويفضل الاستبدال
بدون قياس المقاومة 12 كيلو تغدية كلكتور كاثود الاحمر

العطل الخامس

التلفزيون يعمل بحالة جيدة لمدة حوالى ساعتين وبعد منها تظهر رطوش خضراء درجة درجة حتى تغطى الشاشة كلها حيث اننى غيرت الاين و مكثف الاضاءة و لم يتم أى تحسن علما بأن الجهاز يعمل على الايسى 3562 tda
مشاركه
استبدل ترانستورات ببوردة الشاشة PF421 اولا ....
تاكد من جهد الاسكرين .. اذا كان بينخفض تدريجيا ربما ناتج عن الشاشه
إفصل طرف الكاثود الأخضر من بورده الشاشه
سيعطيك صوره بدون أخضر مش مهم وجرب
إذا لم يعمل العيب :-
إفصل تغذيه الفتيله من بورده الشاشه
وغذيها بتغذيه خارجيه بواسطه لفتين على فحم اللاين
أو ممكن مفتاح الإسكرين فى اللاين بيفوت

العطل السادس

عندما تكون الاضائة منعدمة اوتستغرق بعض الوقت لتظهر في هذا النوع
عندما تكون الشاشة مظلمة نقوم بزيادة screen وتطلع الصورة او النمش
يكون المكثف 10uf-250v ضعيفا بتغييره ينتهي المشكل
وعندما نقوم بالزيادة في السكرين وتظهر خطوط الرجوع ولا تظهر الصورة او النمش
الا بعد تشغيل الجهاز لمدة زمنية 5 الى 10 دقائق مثلا يكون احد الترانزستورات على السوكيت
وهوq 904 اوq907 لم اتذكر bf421 وليس الثلاثة كما ذكرت حضرتك
وعند الزيادة في السكرين او نقصه لا تظهر الصورة ولو لوقت طويل
يكون العطل من tda3562 ولا داعي لفرغ اي رجل من ايسي الفرتكال
اذا قمت بفرغ الرجل الذي ذكرته لن تلاحظ اي عيب على الصورة الملتقطة عبر
الايريال او السات ولكن عند مشاهدة شريط فيديو vhs مثلا
تظهر خطوط الارجاع في وسط الشاشة الايسر خصوصا في المشاهد المظلمة
مع الحلول السابقة وبعيدا عن tda3562 هناك حل اخر وهو رفع جهد الفتائل
من 6.3 فولت الى 7.5 وذالك بلف 2 او 3 لفات على فريت الاين وتوصيلهم بالفتيلة
لايمكن ظهور النمشه الا بتفريغ الطرف 7 من Icالفيرتكال ومسيرك يجيلك جهاز وتتذكرنى وتستغرب مثلى ايه دخل ده بده ولكنها الحقيقه

العطل التاسع

جولد ستار اللي شغال في الباور ب 58041 بعد حوالي 5 دقائق يفصل ويشتغل تاني في لحظة ولو قلبت في القنوات من الريموت يعمل نفس الحركة غيرت مكثف الاستارت ال 100 -50 وغيرت المكثف ال 10 -250 اللي في الباور نفس الوضع الباور مظبوط 115
مشاركه
مكثف خرح الشوبر تيار الاوسليتور اول واحد C100UF-50V
لحام ريحاليتور 12فولت على التبريداالجانبى الرئيسى
مكثفC1UF-50Vبجانب STR58041 جانب التبريد لضبط الخرج
الرد
تم الاصلاح تغير مكثف 1-250 علي خط 110

العطل الثالث عشر

الجهاز جولدستار احمد بهجت من النوع القديم تكات يعمل بمتكاملة فيديو ta7698 وصوت tda2006
وراسى 7830
عيب الجهاز قد يبدو بسيط لكنة غير ذالك تماما
الجهاز يعمل على السيريا والكهربا لكن بشكل غير طبيعى فعند توصيلة على السيريا لو كان شاكوش الفيرتكال الامامى على وضع راسى يعمل الجهاز بشكل طبيعى والجهود طبيعية لكن لو كان الشاكوش على وضع عرض تلفزيونى ييكتم صوت وتعلى السيريا وتسخن مقاومة الراسى B+ 24 الى درجة الاحتراق لو استمريت فى العمل
تم تغيير انتجريد الراسى بخامة جيدة
تم تغيير انتجريد الفيديو
تم تغيير بور الاين
تم تغيير ال STR
الجهود سليمة حينما يكون على وضع راسى
تم تغيير الاين
مشاركه
فى 2 زنر عند على خرج الفيرتكل جنب خرج الدفلكشن لعلمك مش مرسومين على البورده من تحت) وانا اتوقع انهم السبب
2: راجع نوع الايسى المستخدم
3:فىمكثف 100 ميكرو ممكن يكون به قصر
حسب كلامك يكون العطل قصر فى موحد الخاص 24 فولت الخارج من لاين كما تتأكد من المقاومات الفيوزية 12v \24v الخارجة من لاين ومكثفات التنعيم لهما كما تتأكد من مكثف 100uf 160v فى سكة 90 فولت
مشاركه
من كلامك العيب من ال 12 فولت لماذا
لانك عند تحريك السويتش له مرحلتين
الاولى فصل ال 12 ف عن اى سى الفيديو والاى جى سى وتوصيله بالمذبذب الراسى فبتشبع تماما فتنقطع اشارة الراسى ويعمل خط
الثانية العكس مما ذكر عند وصول ال 12 ف لاى سى الفيديو يحصل تحميل
راجع ال 12 ف ولو فيه ريجيوليتر او زنرات اتاكد منه وافصلة من مكان لاخر للتاكد من سبب التحميل
المشكلة كانت بفة 333 على خط الراسى فى اليوك
رغم سلامتهاااا بالقياس الدقيق

العطل الرابع عشر

عطل الوان في جولدستار 8 قنوات
الجهاز جولدستار القديم ال 8 قنوات تليمصر
موديل:css_4341
اللي لما يكون فيه عطل في الالوان بنغير المكثف المتغير ال vc 501ببفه 15 بيكو او 25 بيكو
المهم
انا غيرت البفه باخري 12 و 15 و25
المهم بعد البحث غيرت الكرستاله كمان ( x501 (8.867
وكمان غيرت البوط vr 501
في الاول الالوان جت حوالي ساعه وبعد كده راحت
يعني الالوان كانت غير منتظمه
وعلي فكره العطل الاصلي ان الشاشه كانت بيضاء مع وجود صوت وبوط الاضاءه لايؤثر
وكان العطل في ترانزستورات الالوان علي كارته السوكيت bf421
واخيرا وبعد تعب تم تغيير الايسيه tda 3562
والحمد لله
الجهاز شغال تمام دلوقتي في التجربه
مشاركه
افادة بسيطة
• عندك عيب الوان تبدأ بالظاهر امامك .. ضبط انظمة الالوان ..نشحن الابروم لراحة البال
• تختبر الكرستالة او التريمر عبارة عن مكثف متغير السعة يتحكم فى مذبذب الالوان ...
• تغير متكاملة الالوان لازالة الشك اذا كانت رخيصة الثمن..
• اختبر جهد تغذية IC الالوان او الاطراف المهمة الى لها دخل بالعيب ..
• أهم شيىْ طرف يسمى ساند كسل جى من طرف الاين نبضات قلعة الرمل قياس المقاومة والتاكد من انها سليمة ..
DL501

العطل الخامس عشر

عطل غريب جدا فى الجولد ستار 12 قناة
الجهاز عند التشغيل يشستغل صوت كويس جدا واضاة الشاشة تنير بعد حوالى نصف ساعة تقريبا او اكثر وبعدها يشتغل الجهاز كويس جدا الى مالانهاية ولو طفيت الجهاز وشغلتة فى نفس الوقت يستغرق نصف ساعة اخرى حتى تضى الشاشة
غيرت المكثف 10 ميكرو 250 فولت وغيرت بعض المكثفات الاخرى التى تتسبب فى تأخير الاضاءة ولكن للاسف دون جدوى
مشاركه
غير الثلاث ترانزيستر على سكوت الشاشهbf 423
غير المكثفات الكيميائية للتنعيم الاتية بدون قياس . 1\مكثف 180 فولت 2\مكثف12 فولت الخارج من الاين . 3\ و 12 فولت الخارج من دائرة البور . 4\ مكثف رقمه c310 وسعته 100uf '35v فى خرج الرأسى.وأخيراغير منظم الجهد LM7812
الرد
لقد جربت كارت مرئيات اخر وغيرت المكثف بدون قطبية فى الباور او بمعنى اصح جربت الشاسيه فقط على جهاز اخر وهو نفس العيب يعنى العيب لايخرج خارج نطاق الشاسيه
مشاركه
غالبا ما بيكون ال ( ic) رقم tda 3562 هو اللى مش تمام غيره باخر
محاولة اخرى وهى يوجد Did 501 زجاجى حاول تغيرة بدون قياس اوضع علية واحد معكوس
مشاركه
اضافه الى الاخوه الكرام
تغير 3ترانزيستور BF423على سوكت الشاشه عندما تعمل الشاشه ويكون لونها ابيض
تغير مكثف 10\250 عندما تتأخر الاضاءه مع وجود الصوت
كل ده تم تغيره
ناقص C100\50 امام اىسى الفيرتكال +C1000\16 المغذى للفيرتكال دفلكشن
التأكد من الطرف الاصفر من اللاين 25v الى اىسى الفيرتكال
غسل سوكت الشاشه بالاسبراى ومنطقهTDA2579 اىسى الهروزنتل

العطل السادس عشر

مشكلة فى جهاز جولد ستار الى بة TDA3562Aيوجد بة خط فرتكل و جميع الفولتات موجودة ماعدا 12 فولت على التيونر مع العلم بان
\ICTDA2579وTDA3653 ركبتهم جداد
مشاركه
هذا العطل هو عدم وجود 12 فولت
افحص المقاومه الفيوزيه المتصله بطرف اللاين قبل سيلكون التوحيد
او مثبت الفولت 7812
الموجود على التبريد بجوار متكامله الفريتكال

العطل السابع عشر

فى جهاز جولد ستار عادة قديم
لجهاز شغال كويس بس يوجد من فوق واسفل منطقة سوداء مع العلم عندى التغير فى بوط الاتساع بيفرد الشاشة بس يوجد مرايا فى اسفل الشاشة تم تغير مكثف 220 /50 فولت
مشاركه
غير المكثف 470ميكرو /25فولت موش متذكر رقمه على الدايره
اظن C306
أخى غير الدايود اللى بينقل 25 فولت على اىسى الفيرتكال الى المكثف C100UF-50V
الرد
فعلا غيرت المكثف c306 والجهاز اشتغل كويس

العطل الثامن عشر

مشكلة فى تلفزيون تليمصر جولد استار 14 بوصة
المشكلة كانت ضعف الاضائة فنصحنى صديقى مهتم فى مجال الالكترونيات بشحن الشاشة
بالفعل قمت بشحنها ونجحت العملية تماما وبدون ادنى مشاكل ولكن بعد قليل ربما ساعة من التشغيل بعد الشحن اتغيرت كل الوان الشاشة
واللى اصبح غالب اللون الاحمر بدرجاته وانعدم الاسود تماما والابيض اصبح اصفر او اغمق
المهم قمت بأزالة من على سوكت الشاشة وصلة اللون الاحمر وظهرت الصورة بدون مشاكل لكن بدون اى لون احمر ولا درجاته
مشاركه
جعل مفتاح الالوان على وضع الابيض واسود ثم اضبط بواسطه البوطات التى توجد على سوكت الشاشه البوطات يعنى المقاومات المتغيره لكل لون بوط اضبط من كل بوط شويه الى ان تصل الى الابيض واسود ثم رجع مفتاح الالوان تجد ها انضبطت تمام واذا وجدت لون طاغى قم بقياس الترانزيستورات الثلاثه على السوكت والافضل تغيرهم كلهم بجديد نفس الرقم والمواصفات 00 وممكن يكون العيب من ic خارج منه ثلاثه اطراف لكل لون طرف يصله الى الترانزيستورات الثلاث
الرد
بالنسبة لموضوع انى اخلى الالوان ابيض واسود لما تخلى الالوان ابيض واسود بيكون اللون الاحمر مزال موجود كأنه ستار على الشاشة
يعنى كأنك بتنظر من خلال ستارة حمراء لترى الشاشة
اما بالنسبة لموضوع التزاستور والبوطات مفيش الا اتنين واعتقد انهم مش منهم لانى حاولت اظبط منهم لاكن مفيش فايدة
واعتقد ان العيب مش من البوردة خالص لانى لما افصل اللون الاحمر تظهر الالوان الازرق والاخضر عادى والاوان طبيعية لاكن عند توصيله تظهر تلك الستارة على الشاشة ويختفى اللون الاسود بمعنى مثلا لو قللت الاضائة خالص المفروض تكون الشاشة سوادء بس فى الحالة دى حمراء تماما
مشاركه
هذا الجهاز جولد ستار 8 قنوات اربعه فوق واربعه تحتهم اذا كان هو اختبر الدايودات عند ic الالوان TDA بجوارها اربعه دايود اختبرهم
واضبط من الاسكرين الى احسن وضع مشاهده واذا لم تجد نتيجه غير IC TDA وانتبه جيدا انها مضروبه فى السوق جرب اولا بواحده معروفه انها سليمه
الرد
بالنسبة للتلفزيون فانا حاولت اشحن مرة اخرى الفتيلة الحمرا اللمبه اللى فى دائرة الشحن منورتش فبالتالى وقفت عملية الشحن حسب ماقال فى الوضوع الخاص بالشحن
فوصلت كل حاجة رجع اشتغل كويس ولاكن بعد لاحظات رجع تانى موضوع الستارة الحمر بس لما اشتغل كانت الالوان كلها موجودة شاملة الاحمر لاكن كان الاحمر سايح مع باقى الاوان وكانت توجد هالة بالاحمر حول اى لون فاتح تقريبا
وبعد لحظات رجعت تانى الشاشة حمرا
وظهر عطل تانى ان الصورة ما تجيش الا بعد ما ازود الكهرباء من عند دائرة البور سبلاى او اسيبه فترة عقبال ما يفتح
بالنسبة فعلا هوا التلفيزن جولد استار 8 قنوات اربعة فوق واربعة تحت
طيب تحديا بعد قياس الدابودات اقوم بتغير ال tda ؟ كيف اعرف انها مش مضروبة وانا معنديش جهاز تانى
لان زى ما ذكرت انا مش فنى صيانة انا مجرد هاوى يعنى لو فى امل انى احصل على واحدة مضروبة او نخلى تغيير الtda اخر الاحتملات او فى حاجة تانية ممكن تكون منها العيب احاول تغييرها حتى لانتعرض للشك انها تكون مضروبة
طيب فالنفرض انها كانت اخر الاحتمالات ولازم اغيرها كيف اعرف انها مضروبة يعنى بعد تركيبها ايه اللى راح يظهر
بالمناسبة عطل التاخير فى عرض الصورة ده ظهر جديد يعنى اول ما عرضت الموضوع كان مش موجود مع ملاحظة انى لم اشتغل فى اى حاجة فى البوردة انا فقط اعدت الشحن
مشاركه
يمكنك اجراء ما يلي بدقه وهدوء ولا تتعجل ومنها ستعرف العطل فين
في سوكت (لوحه)الشاشه من الناحيه الشمال من اسفل هناك ثلاث اسلاك Rbg يتم اخراجهم من السوكت ويتم تشغيل
الجهاز بعد حوالي دقيقه يتم عمل الاتي
يتم توصيل السلكه R بالنقط R .b .g علي سوكت الشاشه بالتوالي كلا علي حده بالتلامس وليس اللحام ومشاهدت الشاشه من الامام
ثم اجراء نفس الخطوات بالسلكه B ونفس الخطوات مع السلكه G
من هذا الكلام طبعا فهمت الباقي واغلب الظن وهو اكيد عيب شاشه ..
مشاركه
عندك ثلاث ترانزيستورات مكبر ال R.G.B
القياس المضبوط هو ايجاد حوالى 7 فولت على B كل ترانزيستور
وايجاد ما يتراوح ما بين 95 فولت الى 115 فولت على C كل ترانزيستور
حسب شدة كل لون
من المحتمل ان يكون هناك شورت ما بين كاسود الون الاحمر والشبكة
ويمكن معرفتة بالطريقة الاتية
وصل الفتيلة فقط وقم بقياس اوم على الكاسود الاحمر و الشبكة ان وجد قياس بالاوم
فهذا دليل على وجود شورت
طريقة العلاج
قم بشحن مكثف 100 ميكرو 300 فولت ثم قم بتفريغة فى مكان الشورت بعد فصل كهربة الفتيلة
اما بخصوص تأخير الاضائة قم بتغير المكثف 10 ميكرو 250 فولت
ستجدة بعد دايود ال 180 فوالت الخارج من الين
الرد
عندى توصيل سلكة اللون الاحمر مكان سلكة اللون الزرق او الاخضر تظهر الاوان عادى بدون الهالة او الستارة
عندى توصيل اى لون من الثلاثة الاحمر او الاخضر او الازرق مكان اللون الاحمر تظهر الهالة الستارة الحمرا اللى محولة جميع الالوان الى الاحمر بدرجاته فهل بكده استنتج انه عطل فى الشاشة ؟
الرد
عندك ثلاث ترانزيستورات مكبر ال R.G.B
القياس المضبوط هو ايجاد حوالى 7 فولت على B كل ترانزيستور
وايجاد ما يتراوح ما بين 95 فولت الى 115 فولت على C كل ترانزيستور
حسب شدة كل لون
نفس القياسات لكن على ال b ما بين 3ونص اللى 5 فولت
وال c مابين 112 الى 121 تقريبا
الرد
بالنسبة تأخير الاضائة قم بتغير المكثف 10 ميكرو 250 فولت
ستجدة بعد دايود ال 180 فوالت الخارج من الين قمت بتغييره والحمد لله اختفى العطل بتاع التأخير
مشاركه
ما ذكرته لك وانت فهمت الباقي طبعا كان لتحديد هل العطل في لوحه الشاشه ام في الشاشيه وانت تاكدت حاليا انه في لوحه الشاشه او الشاشه نفسها .
هناك طريقه لتحديد ايهما الشاشه او لوحه الشاشه . برجاء هناك فرق بين لوحه الشاشه وسوكت الشاشه ذو البنوز المدببه حتي تستطيع متابعتي ..
يتم سحب القصدير من بنوز الاطراف RBG (يتم فصل البنوز الثلاث من لوحه الشاشه) فيصبح عندنا ثلاث نقط علي السوكت
وثلاث بنوز في السوكت بدون توصيل مع السوكت وفي نفس الوقت متصلين بالشاشه ...ناخذ نقطه R ونوصل بها سلكه ثم نشغل الجهاز ونقوم بلمس هذه السلكه علي البنزات الثلاث وكمل طبعا انت متمكن ويمكنك التكمله لان الشرح صعب بدون رسم وسوف تفهم الباقي وكذلك النتائج .
ويجب تكرار هذه الخطوات مع النقط الباقيه
الرد
دلوقتى فصلت اللحمات عن البوردة واصبح الثلاث رجول بتوع السوكت مفصولين عن اللحام
قمت بعمل المذكور اعلاه ووجدت التالى
لما توصل اللون الاحمر على اى رجل من الثلاثة يعطى اللون الخاص بالرجل سوء احمر او ازرق او اخضر لكن مع فوكس عالى جدا وتكاد تكون معالم الصورة مش واضحة لكن زيادة اكتر لما توصل الرجل الخاصة باللون الاحمر مع اللون الاحمر
لما توصل باقى الالوان على الرجل الحمراء تظهر الصورة لكن محمرة اوى بردوا ومع فوكس عالى ايضا لكن اوضح من انك توصل الاحمر بالاحمر
يعنى
رجل الشاشة الحمرا مع اى لون تظهر الصورة محمرة لكن مع فوكس
رجل الشاشة الحمرا مع اللون الاحمر تظهر الصورة حمراء مع فوكس قوى جدا مش مبين معالم الصورة واللون الاحمر غالب على كل شىء
رجل اى لون من الازرق او الاخضر مع اللون الاحمر تظهر الصورة والالوان شبه سايحة
رجل اى لون مع لونه مع فصل الاحمر الصورة تظهر بدون مشاكل
من كلامك والله اعلم هناك عطلين احدهما في المدفع الاحمر والثاني في اشاره الاحمر
مشاركه
يمكنك مؤقتا التاكد من ان كعب الشاشه نفسه ليس به رطوبه( الكعب الملزوق بالشاشه) مع الاحتراس ويتم عن طريق القياس بالاوم العالي جدا مع الارجل القريبه مع اللون الاحمر...
يمكنك تغيير سوكت الشاشه لابعاد الاحتمال ان يكون به رطوبه هو الاخر ..
يتم تبديل الترانزستورات مع بعض .
بالقياس يتم مقارنه مسار اللون الاحمر مع مسار اي لون اخر
مشاركه
قم بتشغيل الجهاز ونقر نقر خفيف بيد مفك صغير على زور الشاشة وشوف النتيجة على الصورة
ولاكنى انا اخطأت فى شيئ وهوا ...
(قم بشحن مكثف 100 ميكرو 300 فولت تم قم بتفريغة فى مكان الشورت بعد فصل كهربة الفتيلة)
الصحيح هوا .
يتم توصيل الفتيلة فقط بـ 9 فولت من اى محول خارجى
ثم ضع طرف الاوم ميتر على كاسود الون الاحمر . وبالطرف الاخر قم بقياس الشبكة
وجميع اطراف الشاشة ما عدا الفتيلة طبعا
عند وجود قياس مع الكاسود واى طرف اعلم ان هناك شورت فى هذا الطرف
العلاج
يتم شحن مكثف 100 ميكرو 400 فولت (يمكنك شحنة من التلفزيون نفسة وهوا يعمل قبل اجراء الصيانة)
وتفريغة فى مكان الشورت والفتيلة موصلة بالكهرباء
هذة الطريقة مجربة اكثر من مرة والنتيجة ممتازة
ولكن كن حزر
اما لو كان الكاسود الاحمر ملمس مع الفتيلة ستكون الشاشة حمراء بدون صورة
وعموما ما فيش حاجة مستبعدة
يمكنك تشغيل الجهاز مع فصل اطراف الفتيلة وتغذيتها من ترنس خارجى
الرد
قمت بتغيير السوكت ايضا قمت بتغيير المكبرات الثلاث تنزستورات
والمقاومات الحرارية والبوطات ومفيش فايدة
قمت وصلت الفتلية من مصدر خارجى والصورة طالعة هيا هيا مفيش اى فرق
فقمت بقياس الكاثود الاحمر مع باقى الاطراف كما ذكرت حضرتك اعلاه لكن النتيجة كانت لما كنت بقيس بالاوم كانت 700 كيلو وشوية وكانت مع RK + G1 بس لاحظت نفس القيمة مع GK + G1 , BK + G1 كنت بقيس اثناء تسخين الفتيلة وكل حاجة مفصولة تماما عن الشاشة
بس حاليا الستارة الحمرا خفت شوية لكن مفيش لون احمر يعنى اللون الاحمر طالع بنفسجى والاسود طالع بنفسجى غامق
انا بصراحة محرج من كتر اسئلتى وعارف انى متقل عليكم
مشاركه
لقد ذكرت لك في اول مشاركه لي معك ان العيب شاشه وكانت متابعتي معك لتري بعينك انها عيب شاشه
واكيد انت مقتنع انها شاشه ..اذا كان عندك امكانيه اومتوفر اي شاشه في الورشه يمكنك تجربتها ..
وعيب الشاشه في حالتنا هنا هو ضعف الاشعاع للمدفع الاحمر وليس قصربه ولا يفيد غير الشحن (التنظيف) ومن كلامك
انك قمت بهذا العمل وبهذا لا امل للاسف
الرد
قمت بتغيير الشاشة بشاشة من تلفيزن اخر ونجحت العملية وظهرت جميع الاوان مع بهات اللون الاحمر مش مشكلة الالوان دلوقتى
لكن رجعت مشكلة التاخير فى الاضائة والصوت طالع
لكن دلوقتى مش تأخير لا دلوقتى مش بتيجى ابدا الاضائة حتى لو انتظرت ساعة
غيرت المكثف مرة اخرى بأكثر من واحد c416
ومازالت المشكلة موجودة
المشكلة دلوقتى بالظبط هى عدم فتح الشاشة يعنى الشاشة سوادء تماما وبها خط فى الاعلى رفيع لونه ابيض تقريبا يختفى عند تزويد الاسكريبن من اللين اللى تحت الفوكس او التغيير فى الكهرباء من عند البوت اللى جنب الاس تى ار
فلو تكرمتم توضيح لى العطل
مشاركه
هذا الجهاز له طريقه غريبه لضبط مفتاح الاسكرين الذي ذكرته بانه اسفل مفتاح الفوكس ويتم كما يلي
يتم تحريكه ضد عقارب الساعه الي اقصي مدي اولا ثم يتم تحريكه ببطء مع عقارب الساعه الي ان تظهر اضائه فتتوقف عن التحريك
ثم قم باطفاء الجهاز وتشغيله مره ثانيه ..يجب ان يعمل طبيعي بعد ذلك وشكرا
الرد
مفيش نتيجة الا فى مرة جت الاضائة فتوقفت عن المحاولة وطفيت الجهاز كما اشرت اعلاه لاكن مفيش امل
بعد ما طفيته جيت اشغل تانى بردوا مفيش اضاءة ومش عايز يفتح تانى هل فى حل مشاركه
شغل الجهاز وانتظر دقيقه ثم اعمل قصر لحظي علي الدايود 501 بجوار الديلي لاين في الجانب اليمين الي الداخل ستظهر اضائه عاليه انتظر قليلا ستظهر الصوره ويمكن في هذه الحاله ضبط الاسكرين ...
اخي اذا حصلت علي صوره بهذه الطريقه فتاكد ان كلام مهندسنا حبيب الملايين تمام ولك ان تشتري ic التي رقمها TDA3562
وهي غاليه 45 جنيه او يمكنك ان توصل برس صغير علي الدايود وتجعله في متناول يدك من الخارج طالما هو جهازك ويمكنك تغيرها في اي وقت تشاء ..
اخي اذا لم تحصل علي نتيجه تاكد ان الشاشه التي حصلت عليها ضعيفه ولاتصلح

العطل التاسع عشر

جولد ستار 4و4 مسطرة بيقطع الوان مع رفع الترمر وتركيب 10 بف وكسر 2 if وتركيب بفات
الصورة نقية قنوات فيها الوان وقنوات لا
مشاركه
ركب PF مكان التريمر يبدأ من 15 الى 20
اضبط البوط الموجود بجوارة لاحسن وضع .
استبدل الديلاى باخر
دون ذلك استبدل
TDA3562

العطل الحادي والعشرون

جهاز جولدستار 14بوصه 8برساة 4 افقى +4افقى اخرين الجهاز لاصوة لاصوره (ميت) بالرغم من وجود 110+24 +12 على التشوبر بدون تحميل و180+24+16+تغذية الفتيله من اللين بدون تحميل و32 +12 على التيونر بالرغم من كل ذلك الجهاز (ميت)
مشاركه
تتبع خط ال 20فولت الخارج من اللاين الى الريجوليتور ال12فولت الموجود على التبريد بجوار الفيرتكال ..
مشاركه
زود الاسكرين لو الشاشة نورت بخط يبقى الراسى وال 12 ف خصوصا الريجيليتور الذى يحول ال 16 الى 12 ف
لو نورت كلها شاشة بيضاء بدون نمش شوف تغذية اى سى ال agc(مكبرات الاى اف) اوالاى سى نفسها
افصل البفة المتصلة مع الاسكرين على سوكت الشاشة
ممكن بفة ال abl بجوار اللاين شورت
غير الترانزستور الخاص بال abl اعتقد q251 او q252 على ما اذكر بدون قياس
الرد
تم بحمد الله اصلاح الجهاز حيث انه كان سبب--ظلمت الشاشه فى السوكت و انقطاع الصوة كان سببه ان بوتشميتر الضبط الافقى كان فى الوضع غير صحيح حيث ان هذا الجهاز الصوت مرتبط بحضور الصوره

العطل الثاني و العشرون

جهاز جولد ستار 16بوصه انتاج تليمصر 12 برسه البودى خشب يعمل بالSTR 58041,,,TCA 3562A بن خطوط بيضاء عى شاشه بيضاء ضيقه من اعلى الشاشه وواسعه من اسفل الشاشه الفوكس والاسكرين لهم تاثير على الشاشه به صوت للقنوات جميع الفولتاة التى تخرج من اللين تعمل جيدا
مشاركه
يتم ضبط بوط الأسكرين الخاص باللاين فى الوسط بالضبط
تغيير عدد 3 ترانزسيستور BF 421 على سوكت الشاشه
التأكد من لحامات IC TDA 3562
وفى حالة عدم أنتهاء المشكله جرب IC اخر مضمون
الرد
تم اختبار كل المكثفات زات الجهد العالى حولين اللين وتم ضبط الاسكرين عند المنتصف وتم تغير بوردت الشاشه بالكامل باخرى تعمل وتم تغير TCA3562باخرا تعمل وتم اختبار الشاسه على شاشه اخرا بل على شاشتان تعملان جيدا ولكن يبقى الوضع كما هو عليه شاشه بيضاء وبها خطوط بيضاء مثل الكراسه ------ولكن لوحظ جهد ال180 منخفض الى 135 وعند رفعه عن بوردت الشاشه يرتفع الى ال180----- الفولت على الكاسوداتمنخفض جدان على الثلاث كاسودات حوالى من 15 الى 14 فولت بالرغم كما قلت من تغير البورده بالكامل واختبار الشاشه ارجو الافاده
مشاركه
جرب تغير المكثف c824 وقيمته 7/4 ميكرو فاراد 50 فولتوتغير الدايود d408
وتغير المكثف 100 ميكرو /50فولت بجوار ic الرأسى على التبريد خلف الاين وتغير المكثف 10 ميكرو فاراد خلف تبريده البور(str)
يوجد دايود جرما نيوم بجوار أى سى الألوان
تأكد منه
وجرب تشفيط طرف 7 من متكاملة الرأسى
مشاركه
يتم فصل الدايود D501
هذا الدايود مع رجل18 من المتكامله 3562
اذا ظهرت الصوره يتم تغيره
الرد
قمت بتشفيط الفتيله وتوصيلها بمصدر خارجى 6فولت استمر الحال كم هو عليه وقمت بتغير جميع المكثفات التى اشار اليها وبقاء الحال كما هو عليه --وقمت بتشفيط رجل 7 فى اى سى الراسى وبقاء الحال كم هو علي --وقمت بتغير اى سى الراسى وبقى الحال كما هوعليه---وبالنسبه الى BF422,, BF421 فتم تعير البورده التى على الشاشه كامله ببورده اخرى تعمل وعندما يعمل الBF التى على الشاشه هذا العيب يكون هناك نصوع فى الاضائه مع عدم تاثير للفوكس والاسكرين وتظهر المرائيات لبرهه عند بداء التشغيل وهذه المظاهر كما سبق واشرنا عير موجوده فهناك تاثير للفوكس والاسكرين والاضائه بيضاء عاديه وعليها خطوط بيضاء ----ما بالنسبه الى تغير الD501 قمت بتغيره استمر الحال ولكن الجهود التى على الكاسودات ارتفعت قيمتها ولكن لايوجد تغير فى مظهر العيب وقمت ايضا بعد الوصول الى ذلك المراجعه على كل ما اشرتم اليه

العطل الثالث و العشرون

جهاز جولد ستار ثمانى تكات اربعه على صف واربعه على صف اخر البودى بلاستك 14بوصه يعمل بال STR58041---ICTDA3562A الجهاز تم تغير اللين لان اللين القديم كان عامل تحميل على البور ولكن بعد تغير اللين يوجد الان صوت قنوات جيد ولكن الشاشه مظلمه بالرغم من اضائة الفتيله وكل الجهود التى تخرج من اللين الجديد منضبطه وسليمه والا H.T موجودوجيد وال12فولت و180فولت موجودين على بوردة الشاشه وفولتات الكاثودات موجوده ومنضبطه وتم تغير المكثف 250\10 --وتم اختبار الشاشه على شاسيه اخر تعمل بكفائه بالرغم من كل ذلك الشاشه مظلمه
مشاركه
يوجد كندسر 100 uf 50vجوار دائرة الرا سى .. TDA3653
قم بتبديل ترانزستورات سوكيت الشاشه برقم BF423بدلا منBF421
هناك كندنسر خزفى مع خط الاسكرين والارضى فى كرت الشاشة راجع علية ويمكنك فصلة والتجربة من غيرة...
على فكرة خط السكرين هذا المفروض علية من 300 الى 500 فولت
بتغير ic رقم TDA3562A
مشاركه
عليك التأكد من فولت الاسكرين بقياسه على كارتة الشاشه وان لم يكن موجود عليك بقياس الكثف السيراميك الموصل على طرف الاسكرين على الشاشه وان كان سليم عليك بنزع الطرف من مكانه وقياسه خارج التوصيل وان لم يكن موجود عليك بتغيير اللاين
وان كان فولت الاسكرين سليم عليك بقياس مفتاحى البرايت والكونتراست
مشاركه
نفس الموديل أشتريت لين ركبته صوت بدون صورة
ما يتسبب فى العطل وجد فولت الأسكرين ضعيف جدا
قياسة خارج بوردة الشاشة
ركبت لين أستعمال أشتغل تمام
مشاركه
اظلام الشاشه مع وجود الصوت وعدم وجود خط لامع اعلى السواد اختبر Q907 مع تغير المقاومه R262 وقيمتها 43 كيلو
مشاركه
حل سريع يظهر لك الاضاءه فورا ويكشف لك الامور
انذع الدايود الزجاجى D501 وهو بجوار ال IC وركب مكانه مؤقتا مقاومه متغيره (بوت)100ك اوم بحيث الطرف الثالث فى الفاضى
وحرك ببطء وتابع الاضاءه مع فتح الاسكرين ايضا تدريجيا
الرد
قمت بعمل اغلب التوجيهات الى ان دلنى احد الى جهد الاسكرين وبقياسه وجد انه منخفض ولايتعدى 8vفعرفت على الفور بان اللين بالرغم من انه جديد ويخرج htوكل الجهود التى تخرج منه سلمه ولكن جهد الاسكرين منخفض فاستعرت لاين مستعمل من احد الزملاء وبتركيبه كان كل شى على ما يرام اضائه صوت قنوات

العطل الرابع و العشرون

جولدستار 14 بوصة 8قنوات لاتوجد اضائة ولاصورة
- مظهر العطل انة لاتوجد اضائة علي الشاشة ولاصورة طبعا ولقد قمت بقياس الجهد علي اطراف الالوان في سوكت الشاشة وجدتة لايتعدي 1فولت حتي بعد فصلة من بوردة سوكت الشاشة وجهد الكاثودات 240فولت
2- قمت بتغيير ic 501 tda3562a المرئيات ولكن لم يكن هو السبب
3- قمت بتغيير الترانستورات الثلاثة في سوكت الشاشة Q902,904,906 BF423
ولكن ظل نفس العطل
***والعطل دة حيرني جدا علي الرغم من اني اشتغلت كتير في هذا الموديل من قبل وقمت باصلاحهم
ملحوظة :جهد الشبكة الساترة في حدود540 فولت وجهد الفوكس موجود ايضا
وانا اشك الان في الديلي لاين DL او الكرستالات بجوار اي سي المرئيات
الرد
غيرت مكثف 10ميكروا فاراد 250فولت بجوار اللاين
الديلاى لين لا يعمل غياب للاضاءة لانه المسؤول عن تاخير خط اللون
غيرت فعلا مكثف تنعيم 180 فولت 10/250 ولكن الاجدوي
مشاركه
قم بتغيير المكثف رقم c310 قيمته 100uf25v بجوار ايسى 501
يوجد مكثف 100 حوالى 25 فولت بجوار ic الراسى تماما غيرة

العطل الخامس و العشرون

جهازجولد ستار 2 نظام
العطل باور مع وجود صوت شوشرة يصدر من الشبرد
بقياس الجهود وجدت مضبوطة ولكن لا يوجد خروج لل12 فولت وال24 فولت من اللاين
السبب : المقاومة r417 وقيمتها 10k1w